Jai Shri Ram

Chalo dohraaye woh katha purani,
Ramchandra ki woh amar kahani,

Chale vanvaas Ram aur Sita,
Lakhan sang chale apne bhrata,
Vaanar bhi the, maanav bhi the,
Lankapati ke daanav bhi the

Lankeshwar vidhwaan aur gyaani,
kyon usne kisee ki bhi na maani,
jaane kyun sudhbudh woh gavaaya,
Siya ko van se utaa ke laaya.
Bandhi thi woh Ashok van mein,
Ram naam japti rahi man mein.

Hanuman pahunche, ro padi Sita,
Aa rahe Ram,dheeraj rakho maata
Vaanar ke sang Dashrath Nandan,
Padhare lanka, sanhaare Dashaanan

Siya ki pareeksha, Ram ki shankha,
Ravan ki bhool, jalee re Lanka.
Satya ki jeet,Dusht sanhaar,
Ramayan ki yahi hai saar.

Sunlo bacchon meri zubaani,
Adbhuth hai yeh Ram kahaani!!!